Iacobus de Prindiparte Bononie salutem cum promtitudine serviendi»
vel «de gradu prosperitatis ad gradum adscendere
peroptatum». Et sic omnes milites se salutant.
XXXIX.
De regibus inter se, et quomodo scribant domino imperatori.
«Federico Dei gratia victoriosissimo Romanorum imperatori
et semper augusto, P. eadem gratia rex Francorum salutem
et obsequium». «Illustrissimo et feliciter triumphanti
domino F. Dei gratia serenissimo et cristianissimo Romanorum
imperatori semper augusto, D. eadem gratia alme
urbis senator illustris salutem et suum servitium et amorem»
vel «talis dux, comes, baro» vel «princeps Capue salutem,
et quicquid poterit servitii vel honoris». Vel dicas: «A potestas
Cremone, consilium et populus civitatis promptum fidelitatis
intime famulatum». Et si vassallus fuerit, ita dicat:
«A. de tali loco fidelis vassallus diu feliciter imperare» vel
«debitum in omnibus fidelitatis obsequium».
XL.
Quomodo scribitur domine imperatrici et duci Venetiarum.
«Gloriosissime ac serenissime domine A. Dei gratia felicissime
Romanorum imperatrici, et semper auguste, potestas,
consilium et populus civitatis Bononie eius subditi et fideles
tam promtum quam devotum in omnibus famulatum».
Duci Venetie sic scribitur: «Preclaro ac magnifico viro domino
P. Ciani Venetie, Dalmatie, Croatie, dimidieque nec
non et quarte partis imperii Romanie duci felicissimo, A. potestas,
consilium et populus civitatis Bononie salutem in longitudine
dierum et vite» vel «salutem et optata semper felicitate
|
|