christianissimi imperatoris Frederici in civitate Laude prope
monasterium sancti Ioannis supra costam fluminis Adue.
Post hec vero in die Martis, que fuit quarto die sequentis
mensis Aprilis in festivitate sancti Ambrosii, Placentini
equites, qui venerant usque ad Sanctam Mariam, que dicitur
in Strata, prope Fossatoltum depredandi causa, Laudensibus
eis occurrentibus ceperunt Trichafoliam, qui dicitur de la
Pusterla, qui tunc erat potestas Laudensis, et Ugonem de la
Pusterla et Ioannem de Overgnacha et tres alios. Laudenses
vero quendam nobilem militem de Placentia, qui
vocabatur Iacobus Vicedominus, interfecerunt.
Interea gens Teutonica maxime fremens, quod imperator
adeo cum paucis Teutonicis in Longobardia relictus fuerat,
quod plenarie non valebat expugnare Mediolanum, ad eius
|
1
5
10
|