de Placencia fuit potestas Bononie. Hoc anno frater Iohannes de Vicencia de ordine Predicatorum
incepit facere predicationes, et fuit magna devocio.
Millesimo ducentesimo trigesimo sexto, indictione nona. Dominus Conpagnonus de Pultronibus
de Mantua fuit potestas Bononie, et obiit in dicto regimine, in festo Paschae Resurrectionis
domini nostri Ihesu Christi. Et dominus Ubertus Surdus de Placencia venit ad
dictum regimen faciendum, et rexit civitatem, et tenuit regimen suum, usque ad kalendas
ianuarii, bene et honorifice.
Millesimo ducentesimo trigesimo septimo, indictione decima. Dominus Rufinus Guascus
de Alixandria fuit potestas Bononie. Hoc anno captum fuit Castrum Leone a comuni Bononie,
per vim et duellum magnum factum inter Bononienses et Mutinenses; nam comune Bononie
erat in obsidione dicti castri, circa festum sancti Andree, cum manganis et trabuchis
destruendo ipsum totum. Et, dicto anno, dominus Guido Raulis cepit cataneos de Medicina per
vim, et ipsos duxit et tenuit in carceribus, in quibus mortui fuerunt morte naturali, scilicet
dominus Uguitio et Paulus catanei de Medicina.
Millesimo ducentesimo trigesimo octavo, indictione undecima. Dominus Robertus de Concoregio
de Mediolano fuit potestas Bononie. Hoc anno fuit mortuus dominus Guiratone de
Çanbraxiis de Faventia, quem occidit dominus Amador [Bulçage in strata; qua de] occasione,
ipso anno, pars Manfredorum expulsa fuit de civitate Faventie per dominum Acharixium
et suos sequaces, occasione mortis domini Garatonis.
Millesimo ducentesimo trigesimo nono, indictione duodecima. Dominus Ardicio Luschus
de Brixia fuit potestas Bononie. Hoc anno sol obscuratus est die tercio iunii, et dominus
Paulus de Traversariis de Ravenna fecit societatem cum comuni Bononie, et dedit civitatem
Ravenne comuni Bononie; et tunc milicia Bononie ivit Ravennam causa accipiendi ipsam,
et tunc pars Comitum de Ravenna expulsa fuit de ipsa civitate.
Eo vero anno dominus Fredericus inperator, ad preces et instancias Mutinensium, Parmensium
et Cremonensium, venit cum exercitu supra castrum Plumacium, et iliud cepit per
vim, et in ipso castro erant dominus Iacobinus Buglonus, dominus Nicholaus Baçalerii et
dominus Castellanus de Sturlittis pro capitaneis dicti castri. Et tunc comune Bononie fecit
exercitum super castrum Malgrati, quod erat comunis Mutine, et ipsum castrum ceperunt
et conburxerunt destruendo totum.
|
|