Discrevit natura parens et semina iustis
Discessere locis, quicquid leve fertur in altum
In medio graviora cadunt, incanduit aer
Egit flamma polum, fluxit mare, terra pependit
Nec color unus erat, stellas accendit in auro
Ostro fundit aquas, attollit litora gemmis'.
(4) Adhuc eundem non pigeat te audire:
'Hic edere serpunt, hic pampinus induit ulmos.
Alnus amica vadis, astis accommoda cornus,
Crispa comas buxus, pinus succinta cacumen
Apta fretis abies, venturi prescia laurus
Mirtus odora, gigas citrus, pigmea mirica
Frigore ramorum solarem summovet estum'.
(5) Audi etiam eximium poetarum:
'Continuo pectoris generosi pullus in arvis
Altius ingreditur et mollia crura reponit
Primus et ire viam et fluvios temptare minaces
Audet et ignoto sese committere ponti
Nec vanos horret strepitus. Illi ardua cervix Argutumque caput, levis alvus, obesaque terga
Luxuriatque thoris animosum pectus'.