regum, videlicet Desiderii, Karoli, Lodovici, atque Lotharii, per
que contulerunt ex suis rebus in prefatum monasterium, ac confirmaverunt
res et possessiones ibi a principibus, ducibus, reliquisque
fidelibus conlatas. unde prefatus abbas nostram exoravit clemenciam,
ut eadem precepta, ac legales scripciones, nec non predia per
diversos fines regni Italici coniacencia eidem cenobio collata per
nostre confirmacionis preceptum in prefatum venerabilem locum
confirmaremus. cuius peticionibus faventes, pro Dei amore, animeque
nostre remedio, per hoc nostre confirmacionis preceptum,
prout iuste et legaliter possumus, confirmamus, ac penitus corroboramus
in predicto cenobio Christi martiris Vincencii omnia precepta
precessorum nostrorum imperatorum, et regum, videlicet
Desiderii, Karoli, Lodoici, atque Lotharii, verum etiam omnes
res et possessiones per diversos fines regni Italici positas, per eadem
precepta, vel quolibet legali titulo scripcionis a principibus, ducibus,
reliquisque fidelibus ibidem conlatas, nec non monasteria, et cellas
inferius nominatas: monasterium siquidem in honore beati Petri
apostoli constructum, positum in loco Trite, territorio Balvense;
et in Penne cellam unam, que nuncupatur Sancta Maria in Musano);
et cellam Sancti Ruphini similiter in Balba; (in Abrucio
cellam unam in loco, qui vocatur Arole; item Sancta Maria in
Duas Basilicas; item monasterium Beati Petri apostoli, positum
iusta fluvium Sabbati, territorio Beneventano); sed et monasterium
|
|