Lanfrancus Ticinensis: In omnes epistulas Pauli commentarii, cum glossula interiecta

Pag 249


opera eorum movetur eo motu qui secundum Deum
est. Est enim in aliis motus, qui invidia dicitur.
5. AUGUST. (lib. 83 Quaest ., quaest. 59, tom. IV).
Despondi enim vos . Nunc desponsata Ecclesia est, et
virgo est, ad nuptias perducenda, id est, cum se
continet a corruptione saeculari. Illo autem tempore
nubet, quo universa mortalitate praetereunte [ al ., in
eo pereunte], immortali conjunctione fruetur.
6. LANFR. Despondi enim vos . Causa cur eos aemuletur,
quia videlicet annulo fidei desponsavit eos uni
viro, scilicet, Christo, ut exhibeant seipsos castam
virginem sibi.
7. AMBROS. Timeo autem . Ostendit qua causa cogitur
vera de se protestari, non ut se laudet, sed ut
eos deformet, qui sub nomine Christi contra Christum
praedicant. Hoc enim agit, ne audiantur seductores,
quos diabolo comparat propter astutiam.
8. Nam si is qui venit . Loquitur hoc loco de veris
praedicatoribus, quia plebs Corinthiorum variis erroribus
fluctuabat. Nam alii pseudoapostolis, alii apostolis
favebant qui cum Domino fuerant, de quibus
Apostolus ait: Si potior Christus ab his vobis praedicatus
fuisset, aut potior Spiritus datus, recte nobis
eos praeponeretis.
9. LANFR. Nam si is qui venit . Si is, inquit, praedicator
qui venit et a Deo non mittitur, aliam fidem
praedicaret vobis, et per eam fidem alium Spiritum
acciperetis, utcunque tolerabile esset, si ejus damnationem
pateremini; possetis enim dicere: Praedicatio
ejus melior est quam Pauli. Nunc vero, cum
eamdem fidem praedicant, et ex sua parte plura respuenda
addant, pati non debetis; et hic incipit exponere
illud: Modicum insipientiae , de quo superius dixit.
10. A magnis apostolis . A magnis, quanto magis
ab his qui nihil sunt? Imperitus , vel humilitatis

Torna all'inizio