Iohannes et Petrus filii Odonis et Doda mater eorum refutaverunt
in hoc monasterio et domno Berardo abbati ęcclesiam Sancti
Nicolai in pertinentia castelli de Maccla. item, Franco
filius Sabini concessit omnes res suas in pertinentia de Catino.
item, Iohannes filius Ebbonis et Berta iugalis concesserunt in hoc
monasterio res suas intus vel extra civitatem Tiburtinam, idest quartam
portionem de una mola, et unam criptam, et sortem de orto
et de clausura in Limara supra pontem Lucanum, et de terris et
silvis in Cesarano, et in Fussi, et medietatem terrę in Africano,
et sortem de vinea ibidem, et in castello Flacci, et medium pratum
in campo Limite. item, Petrus filius Longizonis et Rainerius
filius Azonis concesserunt res suas territorii Sabinensis in
monte de Catino, sicut pręfatus Azo tenuit, cuius isti fuerunt fideicommissarii.
item, Helperinus filius Iohannis concessit in hoc
monasterio et domno Berardo abbati et Iohanni pręposito casalem
unum comitatus Tiburtini ad Lacum. item, Iohannes
filius Franconis concessit in hoc monasterio res suas in Lacu comitatus
Tiburtini in casale Franzellioni modii dimidium. item,
Rainaldus comes concessit in hoc monasterio ęcclesiam Sancti Silvestri
in territorio de Perito cum .C. modiis de terra ad virgam publicam
circa eam, et in campo Catino ęcclesiam Sancti Salvatoris,
et Sanctę Marię, et ęcclesiam Sancti Mari, quarum fines sunt: usque
Roccam quam exceptamus, revertentes per rivum usque aquam de
Campo Longo, deinde Macla Rotunda, et revertentes per medietatem
campi Catini ad finem Roccę. item, Massarus et Boninus
filii Teutonis, et Teuto et Transmundus filii Gisonis, et
Atto et Elperinus et Azolinus concesserunt in hoc monasterio et
domno B[erardo] abbati ęcclesiam Sancti Thomę in Bivivaro.
item, anno incarnationis Domini millesimo sexagesimo septimo,
mense maio, indictione .V., temporibus domni Alexandri secundi
|
|