tus etiam quantumque magnus in elemosinis pauperum circa
egenos semper extiterit, memoratu longum est, cum ipse sem-
per ad hoc operam dedit, ne incurreret infamiam inhumanita-
tis. Accendebat quidem lucernam cotidianis ieiuniis, cum
omnes recipiendo erogabat pauperibus, quod proprio subtrahe-
bat corpori. Erat itaque ipse lucerna, fratres karissimi, pre-
claro lumine accensa ardens, non sub modio, sed super cande-
labrum posita; ut cuncti in eo uiderent, unde sibi iter sancta-
rum uirtutum sumerent. Claruit namque per se in sua bo-
nitate lucida uita tanti pontificis, sed omnipotens ac miseri-
cors Deus, qui fideles suos etiam in hac uita peregrinantes
uult uenerari, per multa miracula precipua clariorem homini-
bus reddidit. Quid autem refert enumerare, quod cecis ui-
sum, quod surdis auditum, quod claudis gressum Dominus
per eum reddidit?
Demonia etiam quam plurima ab obsessis corporibus
depulit, quod beatissimus papa Gregorius inter multa in Dia-
logo suo, Petro interrogante, ita testatur cum dicit:
Neque hoc, Petre, sileam, quod multi nunc, qui hic de Nar-
niensi ciuitate adsunt, mihi sedulo testificantur. Gothorum nam-
|
|