carchesio insigni, velis splendentibus, postremo omnibus armamentis
et ad usum idoneis et ad contemplandum honestis, si eam
nulli gubernatores, nulli remiges agant, facile cum huiusmodi instrumentis
aut in pelagus merget aut in scopulos tempestas allidet.
Ita per pulchram et eximiam hominum creaturam - dilectum
animal conditori, imaginem Dei, similitudinem redemptoris, orbis
speculum, etheris dignitatem - principatus et potestates huius
mundi et spiritualia nequitie in celestibus, crebra, vehementi et
usitata incursione perditum irent, si pro ea duces, martyres divino
magisterio, minime dimicassent.
Sed adversus huiusmodi acies earumque manus, in potentes
tyrannos per urbes innumeras toto terrarum orbe diffusos, non
multitudine militum, non numerositate legionum, non fulgentibus
armis, non pecuniis infinitis a duodecim tantum primariis, qui simul
imperatoris et militis officia gererent, obviatum est, qui se copiis
exponerent, qui receptui signa nescirent, qui pugnam nullatenus
detractarent, nulla materiali armatura, ne levi quidem, quibus
etiam baculo interdictum erat, insignes.
III. Ex quibus nempe primariis Simon ille, longe omnium
excellentissimus, omnium princeps, omnium antesignanus, cui ex
fidei soliditate et amoris affectu erga Dominum salvatorem Petrus
est nomen impositum, in urbem, ubi thronus ubi dignitas ubi monarchia
terreni rutilabat imperii, suarum posuit castra virtutum,
tantusque vir Deo plenus in superando insuperabilis fuit, ut nemo
post ipsum vel sperare similem audeat vel optare triumphum.
Neque enim se digno negotio decertasset, si se cum aliis composuisset
qui vinci sine laude rnaxima et gloria potuissent. Ad ardua
|
30
35
40
45
50
|