dicta est, Sancti Petri et Sancti Michaelis; ecclesiam Sancti Vincencii,
quam Iohannes abbas reconciliaverat totam mirifice depingere
fecit, ante quam campanarium excelsum edificavit; ornamenta, et
libros ecclesie perfecit. in cenobio Capuano titulum ecclesie, secretarium,
et campanarium excelsum mirifice edificavit. Huius
temporibus cum quedam gens corpus confessoris Christi Martini
ex Marsico monte vellet auferre, illuc cum fratribus perrexit,
et eum de sepulchro aufferens tam secrete recondidit,
ut usque hodie ubi sit repositum ab omnibus ignoretur. hoc
tempore quidam milites de comitatu Balvensi, qui dicebantur
filii cuiusdam Anserii, venientes predicto abbati se et sua in
famulatum tradiderunt, a quo libellario ordine acceperunt Alfedena[m],
Montem Nigrum et terra[m], que iusta Sangrum est.
similiter ecclesiam Sancte Marie in Duas Basilicas cuidam Tresidio
dedit in eodem monasterio, cum duo milia modia de terra
<libellario ordine>. Inter hec Normanni Italiam venientes, cum
Melo duce Apuliam expugnare ceperunt. Enricus imperator
Italiam venit, et super Troiam, Pandulfum vero principem Capuanum,
quia multas tribulaciones intulerat monasterio Beatissimi
Vincencii, et Sanctissimi Benedicti, vinctum secum portavit ultra
montes Pandulfum principem constituens comite[m] Teanensem.
|
|