coronam sumeret in capite, donec Mediolanum superasset.
Post missam vero fecit imperator dulcissimus invitare ad
prandium suum omnes Italie episcopos, marchiones, comites
et civitatum consules, qui ibi aderant; inter quos
ego Acerbus, filius predicti Ottonis, qui hunc librum composui,
qui tunc eram potestas Laude. Comeditque imperator
et imperatrix cum coronis in capite et cum quibusdam
episcopis, qui erant in mensa sua a dextris et a sinistris
cum infulis aliisque ornamentis episcopalibus. Et fuit ipsum
convivium in curia episcopi, ubi Papienses concionem faciunt.
Fuitque ibi maxima leticia maximumque gaudium propter
fortunam, quam Deus imperatori proxime donaverat.
In proxima vero die Martis fuit iurata obsessio Placentie
coram imperatore in broilo Sancti Salvatoris de Papia ab
episcopis et marchionibus atque comitibus et proceribus
Longobardi aliquibus et a potestatibus Cremone ac Novarie,
Cumarum quoque ac Vercellarum et Pergami; et ego iuravi
pro civitate Laudensi.
Brixienses deinde non modice imperatoris iram metuentes,
in die dominica, que fuit tunc quintadecima dies post pascha,
|
1
5
10
15
20
|