diligenter auscultavi, meoque signo et nomine
roboravi.
Actum Londonii, anno domini a nativitate m.° cc.° etc.
2. Forma transscribendi que conmuniter servatur
in curia romana.
Universis presens transscriptum publicum inspecturis
frater I etc.
Noveritis, nos vidisse ac de verbo ad verbum diligenter
legisse quasdam litteras sanctissimi patris domini Martini
pape iiii, non cancellatas non viciatas in aliqua parte
sui, set vera bulla plumbea et filo canapis more curie romane
bullatas, tenoris et continencie infrascripte: Martinus
episcopus servus servorum dei etc.
vel sic: noveritis, nos vidisse etc. quoddam instrumentum
publicum, scriptum manu talis notarii, non cancellatum
non abrasum non abolitum nec viciatum in aliqua parte
sui, cuius tenor talis est: anno domini etc.
In cuius rei testimonium presens transscriptum per
infrascriptum notarium publicum fieri mandamus, ipsumque
auctoritate nostra et sigilli nostri munimine roborandum.
Ego talis notarius predictas litteras — vel prenominatum
instrumentum — non viciatum ut predictum est vidi,
ipsumque in presenti — nil addens nil minuens quod
sensum mutet vel viciet intellectum — transscripsi fideliter
de mandato domini archyepiscopi supradicti, ipsum transscriptum
cum dicto eius autentico diligenter postmodum
auscultavi, meoque signo et nomine roboravi.
Actum apud Londonium.
3. Forma transscribendi procuratoriam exhibitum
in iudicio.
Hec est copia cuiusdam procuratorii exhibiti in iudicio
per infrascriptum procuratorem in causa que vertitur
|
|