Boncompagnus de Signa: Ysagoge

41


militi, T. de Montefortino salutem cum vinculo sincere
dilectionis.»
47 Si fuerit amicus eius, dicet `amico karissimo'; si vero fuerit
consanguineus, `consanguineo preelecto'.
48 Unus amicus alium sic debet salutare:
«Suo karissimo amico B., A. salutem cum vinculo sincere
dilectionis»; [vel:] «Intimo et precordiali amico G. de
Gurga, A. eius intimus amicus salutem cum sincere` dilectionis
fervore.»; [vel:] «Amicorum praecipuo B., H. eius
amicus salutem et sincere dilectionis affectum»; vel: «salutem
quam sibi»; vel: «salutem et quicquid ipse sibi.»
49 Filius sic salutare debet patrem et matrem: premittit nomina
parentum, quicumque sit, nisi esset summus pontifex:
«Reverendis parentibus A. et B. pre cunctis mortalibus
diligendis, H. omnium suorum minimus salutem cum filiali
subiectione.»
50 Patrem salutat sic:
«Reverendo genitori B., H. eius unicus filius salutem et
filialem subiectionem.»
51 Matrem sic:
«Reverende genitrici M. plurimum metuende, A. eius filius
salutem cum reverentia et devotione.»
52 Frater sic salutat fratrem:
«Dilectissimo fratri A., B. eius frater salutem cum fraternali
dilectione.»
53 Si fuerint duo, sic:
«A. et B. fratribus peramandis, H. eorum frater salutem et
fraternalem dilectionem.»

Torna all'inizio