studuerimus, procul dubio imperium nostrum stabiliri, et insuper
vitam eternam promereri credimus. quocirca omnium sancte Dei
Ecclesie fidelium, nostrorumque presencium videlicet, ac futurorum
noverit universitas, Iohannem virum venerabilem ex cenobio Sancti
Vincencii in territorio Beneventano constituto abbatem nostram
implorasse maiestatem, quatenus pro Dei amore, nostre anime remedio,
preceptum ei conscribi iuberemus de omnibus rebus sue
ecclesie, cuius condignis vocibus assensum prebentes, quod peciit
fieri decrevi, et insuper nostrum missum, una cum ipso venerabili
abbatem, et suo advocato misimus, qui terram predicti monasterii
escuteret potestative, eamque dominio abbatii[s] manciparet. sed
cum noster missus nonnulla ipsius Sancte Ecclesie perquireret loca,
repperit quedam illorum quasi proprietario iure iniuste detineri ab
invasoribus ecclesiarum Dei. cumque ipsi inimici Christi bis et
ter essent admoniti ut ad placitum veniret, et huic malicie finem
imponerent, omnino legem spreverunt, et ad placitum venire distulerunt.
nos hec audientes, predictum abbatem, et suum advocatum
vestivimus de omnibus rebus, que, iuste et legaliter predicte ecclesie
Beati Vincencii, et Sancte Marie de Apinianici aliquo in tempore
detinere visa sunt, et pro distribuendis pravis locucionibus iniquorum
iniusta querencium, causancium, et defendencium, presens conscripta
est noticia eo modo, quo inferius est ordinatum. In Dei nomine.
|
|