concessimus in ipsa ecclesia terrę iuxta geometrię rationem modia mille per
loca designata: a capite furcella quę dicitur Vetullum, a pede flumen Quietum,
ab uno latere via quę pergit a Confinio, ab alio latere rivus qui dicitur
Cupus. et concedimus ibidem in Perrece modios .L.: a capite via publica et
terra Azonis et Dominici, a pede flumen Quietum, ab uno latere terra Alberici
notarii et de consortibus, et terra Sancti Quirici, ab alio latere terra Apponis
et de consortibus. et in alio loco qui vocatur Aqui et Ripa concedimus
ibidem substantiam unam quę regitur per Iohannem filium Luponis.
et concedimus illi ipsam oblationem quanta ad ipsam ecclesiam venerit.
de quibus omnibus interdicimus, ut nullus successorum nostrorum diabolica
fraude instigatus aliquid diripiat, quę pro animarum remedio agere curavimus
[de consecratione vero sua decrevimus, ut in nostra potestate consistat et
sub nostra dicione. commutationes vero absque nostra licentia facere non
pręsumat ullo modo. annis singulis in sollemnitate Dei genitricis et virginis
Marię duas oblatas in modum coronę arte pistoria compositas duosque
cereos unius cubiti longitudinis deformatos nobis nostrisque successoribus inferantur.
quę cum omni reverentia suscipiantur. quod si, quod absit, hęc
adimplere distulerit, sciat se compositurum aureos mille, et res et consecratio,
ut superius legitur, ad ius nostrę ecclesię redigantur.] si autem nos vel successores
nostri pro lucranda oratione vel veneratione in aliqua sollemnitate
in pręfatum locum accesserimus, celebrato peractoque divino ministerio, simplici
ac sobria benedictione percepta, absque ullo requisito dono studeamus
habere regressum. [de aggregatis ibidem fratribus, si de eorum religione
tepide aut inhoneste egerint, secundum eorum regulam ab abbate, si pręvalet,
corrigantur. si vero timere suum abbatem noluerint vel obędire, nos vel
successores nostri ab abbate vocati secundum qualitatem delicti corrigamus.
si vero nos aut successores nostri vel quęlibet persona, quod Deus avertat,
calliditate commotus aut cupiditate pręventus, ea que sunt superius comprehensa
temerario spiritu evacuare pręsumpserit, a divina ultione prostratus iram
Dei summi incurrat et cum Iuda proditore reatum suum in averni ignibus
solvere cogatur post funera mortis; dum autem in hac vita substiterit, a communione
omnium fidelium Christi alienus existat. et nichilominus hęc institutio
sine fine maneat incorrupta. ut autem institutio nostra firmissimis
subsistat vigoribus,nostra nostrorumque manibus sacerdotum decrevimus roborandum.
Adam exiguus episcopus in hoc decreto manu mea subscripsi.
Rodelandus archidiaconus consensi. Iohannes archipręsbiter. Lupo pręsbiter.
Deodatus pręsbiter. Iohannes pręsbiter. Azo diaconus et primicerius.
Iohannes pręsbiter et custos ecclesię. Iohannes pręsbiter consensi
|
|