Rogerii Siculorum comitis, fratris predicti Guiscardi, qui tempore
quo supra memorata gerebantur, Siciliensium peragebat comitatum;
cuiusquidem qui et quales in se pueriles fuerint actus,
hic primo, licet summatim, recolere dignissimum duxi.
2
Huic quippe unicus erat frater primogenitus nomine Simon,
qui patri obituro ad suscipiendum ipsius provincie dominium
successurus erat; quem quidem, ut moris est puerorum, nummo
ad bellum ludendo provocabat. Hic namque ludus ei pre ceteris
ludis specialissimus inerat. Cum ergo uterque cum singulis puerorum
catervis ad hoc accitis preliarentur, superabat minimus
Rogerius, unde, deridens fratrem suum Simonem, aiebat:
"Me quidem sic triumphantem dominatus honos post
funera patris potius condecet, quam te. Quapropter cum id potitus
fuero, te aut Episcopum, aut vel Rome Papam, quod magis
tibi competit, constituturus ero". Cumque crebro sic superando
talia in eum insultantius verba proferret, iam in se pertendebat
quod vere dominus ipse post patrem futurus esset; quodque
nonnullas, ut in sequentibus apparebit, pluribus longe lateque
terris subactis consecuturus esset victorias.
3
Factum est autem dum Simon genitorque Rogerius
vi numinis ad extrema pervenissent, Rogerius, minimus, ad
potiendum provincie ipsius comitatus heres succedit. Sed quia
adhuc tenera comprimebatur etate, nec poterat hac prepeditus dominatus
exercere curas, genetrix illius Adalesia nomine, mulier
|
|