judex] inconsulte velit procedere, ac suis
motibus excandescens, in Romanum intendit
principem, advocatum Ecclesiae, ad praecipitationem
omnium, sententiam depositionis
statuere: et ob favorem Lombardorum rebellium
exercere spiritualem gladium, si dici liceat,
minus juste: cum alias quicquid ex obiectis
Ecclesiarum gravaminibus, quae vel dicuntur
obiecta, vel quae ut species a genere per
individuum deriventur, vel emendationem
ceperint, vel ad deliberationem vestri
consilii sit in proximo, prout jussio jam praecessit
debita, et integra emendatio secutura.
Nam ecce per patentes literas praelatorum, quos
mandatum Apostolicum mittit monitores,
evidens testimonium declaratur, et praecedens
nostra constitutio super vocatione praelatorum
damna passorum, et de eisdem
praestanda integra satisfactione praelatis tum
per literas venerabili Archiepiscopo Messanensi
vocato ad hoc assessori nostro
transmissas, evidens exhibetur testimonium
veritatis. Propter quod non indigne
debemus ferre, si pater Apostolicus
offendere tam graviter nos intendit, ut nos,
dum in constantem virum, tam vehemens
cadat iniuria: et si patienter ferre voluerimus,