47

Imperatoris postulavit; qui servitium honorifice facere promiserunt; et sic Pisas venit. Consules
quidem Pisani, VII galeas ad malam voluntatem Lucensium ac Ianuensium preparaverunt,
et Bargiachinus cancellarium cum centum viginti teutonicis inter dominos et fideles,
in predictis VII galeis, quibus iam dictus Bargiachinus preerat, gaudenter usque in Provinciam
ad locum dictum Frigioli honorice transportavit. Cancellarius itaque ingentes gratias Bargiachino
et ceteris Pisanis referens, cum magno amore se a predictis Pisanis separavit, et
cum honore profectus est ad Imperatorem, predicte autem galee intrante Iulio cum gaudio
magno rediere.
A.D. MCLXVIIII, in mense Octubris. Pisani pro securitate et compagnia quem Ianuenses
cum Lucensibus fecerant, compagniam et securitatem firmaverunt cum illis de Vallechia
et Versiliensibus et maxima parte Garfaniensium, pro guerra facienda cum Lucensibus: et
Pisani cives debent eis dare libras V milia et expensam. Sequenti anno, Ugo de Montemagno
similiter compagniam cum Pisanis sacramento firmavit, et guerram Lucensibus facere
promisit, et Pisani debent ei dare libras CCCCC et expensam.
A.D. MCLXVIIII, indictione secunda. Aimericus rex Ierosolimitanorum, audiens quod
Saraccone cum magno exercitu ad capiendam Babillonem et Alexandriam veniret cum ingenti
exercitu, in quo Pisani cum galeis et quibusdam militibus et sagittariis honorifice interfuerunt,
mense Octubris, contra eum ivit; et Balbesem et Tenesem civitates ditissimas cepit,
ex quibus infinita spolia habuit. Rex autem, sciens quod Saraccone cum toto suo exercitu
Alexandriam intrasset, Ierosolimam reversus est.
A.D. MCLXVIIII. A temporibus Sodome et Gomorre non fuerunt tam miranda et
stupenda miracula, qualia evenerunt in insula Sicilie. Pridie namque nona s Februarii, vigilia
Sancte Agathe, Captania civitas a terremotu usque ad fundamenta subversa est, et non
remansit ex ea nec masculus nec femina. Lintini inter duos montes repente clausa est, et
quedam pars Saracose civitatis predicto terremotu periit, et a predicta Captania usque ad
Plassa, XI inter civitates et castella et villas, cum multis hominibus in via et agro oppressis
a iam dicto terremotu perierunt. Et Farum de Messana XX palmis funditus siccatum est.
Postea vero cum fortuna in locum suum reversum est.