Adminiculamini nobis, memores nostri in orationibus uestris.
Omnipotens Dominus det uobis bene agere, et feliciter quo
tenditis peruenire.
47
Lanfrancus Dei misericordia non suis meritis sanctae Dorobernensis
aecclesiae archiepiscopus HE. episcopo humiliter sapere
et sobrie intelligere.
Berardus abbatis Balduini clericus et famulus nostras de
negotio suo litteras tibi detulit. Quas ut ipse postea michi testatus
est procaciter irrisisti, satis uilia multumque indigna de me
multis audientibus protulisti, pro me de eadem re nichil te
facturum plurimis contestationibus affirmasti. De his alio tempore
atque alio loco sermo erit.
Veruntamen ad presens precipio tibi ne in rebus sancti Eadmundi
aliquid appetas, nisi id ab antecessoribus tuis appetitum
fuisse certis documentis ostendas; prefatum Berardum quiaetum
et inconcussum dimittas, quoadusque res in nostram audientiam
ueniat finemque congruum canonica auctoritate nostrique iudicii
definitione recipiat. |
|