vobiscum, totam praesentem hyemem et integram
haberemus. Oblectante nos tamen
nostrorum continua depopulatione rebellium,
ac negotiorum supervenientium sollicitudine
semper succedente, negotiis, sic de die
in diem viscosa Liguriae nos terra detinuit,
ut non tantum nobis esset de tempore residuum,
ut in regnum Imperiali dieta procedere,
et ibidem desiderata mora persistere, et
ad depopulandas rebellium nostrorum reliquias
tempore debito redire possemus. Longum etenim
absentiae nostrae tempus,quod nobis longissimum
creditur, saltem praesentiam nostri temporis
longi exigit, ut damna compendiis
repensentur. Sed nec utile nobis erat, tam
grande negotium imperfectum dimittere, quod
fere jam ad desiderabilem exitum indefessus
nostrae sollicitudinis labor, et calcatis jam
hostibus instantia quotidiana, gloriose deduxerat
in imperfecta consumatione differre:
sed personam nostram salubrius vidimus praesentibus
exponere taediis, ut licentius vobiscum
in posterum et honorificentius quiescamus.
Indubitabiliter etenim credimus, immo
scimus, quod etsi personae nostrae praesentiam
ex fide diligitis, habentes tamen zelum secundum
scientiam, coronae nostrae, potissime desideratis
honorem, pro quo nec personarum