et ad ecclesiam Omnium Sanctorum, que est in capite broili,
et ecclesiam sancti Barnabe ac etiam monasterium sancti
Dionisii. Fixeruntque castra ea die a cassina Guazine de
Aliate usque ad Morzengiam; ibique per biduum stantes
omnes segetes ex ea parte Mediolani devastavere.
In sequenti vero die Mercurii castra mutantes apud Sanctum
Dionisium hospitati sunt. Et tunc Mediolanensibus ab
illa parte armatis exeuntibus magnoque prelio cum Papiensibus
aliisque Longobardis incepto, captus est quidam nobilis
Mediolanensis, qui vocabatur Adam de Palatino; eumque
statim fecit imperator videntibus Mediolanensibus suspendi.
Et aliquibus utrinque captis et aliis vulneratis, quibusdam
quoque mortuis prelium dirumpitur.
Item sequenti die Iovis Mediolanenses usque ad castra
pergunt. Quibus Papiensibus aliisque Longobardis acriter
obstantibus, post magnam inter eos pugnam commissam
tandem Mediolanenses, utpote pauciores, usque ad
fossatum violenter expincti sunt. Aliqui ex eis capiuntur,
alii morti donantur magnaque pars vulneratur; alii
|
1
5
10
15
|