eorum fautoribus, qui ad Brixianorum auxilium
venerant, Caesar procedebat ferociter cum
suo exercitu obviare. Cum vero ad pontis
Lolii veniret praedia, idem Imperator magnanimus
castrametatus est juxta praedia inimici,
ita quod utriusque partis positionem exercitus,
quaedam aqua minima dividebat,
ubi multiplicatis viribus Caesareae Majestatis,
ad miscenda praelia erat avidus Imperator. Sed
cum rebelles inimicos voluit aggredi, hostis
pusillanimis, pugnae formidans discrimina,
in stagnis circumjacentibus se conclusit, cujus
obstante munimine, penitus ordine belli
non poterat insiliri. Tandem prudentia principis
usa consilio saniori, ibi dimissis hostibus
in Cremonae pontibus, cum veloci cursu Lolium
pertransivit. Sic quod per hujusmodi
fluminis marginem, ultra decem milia sui exercitus
secum trahens, in ponte Brixiae signa direxit
victricia, ut hostium regressum praeveniens
eos invaderet transeuntes, statimque per
septem acies diviso exercitu, inimicos, qui
iam transiverant Lolium in praediis Pergami
pugna, quam paraverat acriter insilivit.
Et ita Imperatoris militia se praeparavit
ad praelium expedite, tanquam leones, quos
fames extimulat, ad stabula cursitantes
armentorum; nec ulterius mora protracta, die
vigesimoseptimo mensis Novembris
anno 1237. undecima Indictione