XIII. [Prato] - Est aqua quam populi de prato Balnea dicunt;
Creditur a multis hoc ciceronis opus.
Est via difficilis que ducit ad inferiora
In quibus inueniet, quam petit eger, aquam.
Hec bene uisceribus fertur conferre modestis
Alleuiat corpus quod grauat humor inhers.
Dicitur et duros mire mollire lacertos,
Et caput et scapulas ad sua iura trahit.
Lipposos oculos declarat et ulcera tergit.
In toto pariter corpore prestat opem,
In sudore madens fugiat pro te[m]pore frigus
Nec potum sumant dum sua membra calent.
|
1
5
10
|