benignius inclinati, fidelitati tuae praecipiendo
mandamus: quatenus, si tibi constiterit, bona
sua, quae sibi tunc ablata fuerunt, seu valorem
ipsorum, de quo tibi constare volumus, ab
illis eisdem restitui facias, qui bonorum ipsorum
captores et participes extiterunt: nihilominus
cautus existens, ut sic deliberatione
praehabita punias, quos inde videris puniendos,
quod delinquentes de praedictis aliquatenus,
nequeant de commissis excessibus gloriari.
Cap. LXXIX.
Cuidam nobili, recommendans eum de fidelitate.
Per tuorum operum exhibitionem laudabilem,
et relationem Richardi de N. Fidelis
nostri, plenarie cognoscentes, quod
circa servitia nostra perseveras et existis fideliter
et devote: tuum exinde studium, et solicitudinem
commendabilem, merito commendamus:
ad quae volumus te deinceps taliter existere,
vigilem et intentum, ut semper tua sincera
devotio et solicitudo intensa, in nostrae
Majestatis praesentia pateat commendanda.
Cap. LXXX.
Capitaneo, ut captivum qui fidejussoriam praestitit
cautionem a carcere liberet, restitutis sibi
bonis ablatis.
Dudum per literas nostras judici Gindaleto
de Perato nostro vicario Castri sancti Miniati,
fideli nostro, recolimus mandavisse:
ut quia dicebatur, quod B. de N.nunc castellanus