per presentia scripta uniuersitatem uestram plurimum rogando mandamus et mandando precipimus quatinus eum deuote recipiatis, diligatis et honoretis, tanquam proprio pastori et uestrarum animarum episcopo debitam in omnibus reuerentiam exhibeatis.
XXXI.
Domini pape ad subditos.
Eu(genius) episcopus eruuus seruorum Dei dilecto filio G. beati Martini ecclesie salutem et apostolicam benedictionem. Dignum et rationabile est, ut quos erga beatum Petrum et nos ipsos deuotiores inuenerimus, artoris caritatis et familiaritatis uinculo nobis astringamus. Apostolice sedis namque benignitas fidelibus suis semper consueuit esse benignior et obedientibus sibi ad beneficia prestanda propensior (uel aliter: Apostolice sedis clementia deuotos et humiles filios et assuete pietatis officio propensior consueuit diligere et sue protectionis munimine confouere. Et eapropter etc.). Equitatis et iustitie ratio persuader (uel: postulat), ut quos erga beatum Petrum et nos ipsos deuotiores esse cognoscimus, amplius diligamus, ne prauorum hominum agitentur molestiis, paterna sollicitudine prouidere curemus, ut quemadmodum patres uocamur in nomine, ita nichilominus comprobemur in opere. Huius rei gratia, dilecte in Chritsto fili L., quoniam de persona tua fructum Dei ecclesie prouenturum speramus (uel aliter: uenerabilis fratri I. precibus episcopi inclinati), te in specialem filium apostolice sedis assumimus, tuam personam cum omnibus bonis tam ecclesiasticis quam mundanis, que in presentiarium iuste et canonice possides aut in futurum prestante Deo poteris adipisci, beati sub Petri et nostra protectione suscipimus et presentis scriptis patrocinio firmare decernimus, statuentes ut, si te grauatum in aliquo esse presenseris, libere tibi sedem apostolicam liceat appellare. Nulli hominum fas sit personam tuam uel bona tua temere perturbare, grauare, seu qui[bus]libet molestiis fatigare.
|
|