per omnia almifico, et cunctę sanctę congregationi sibi et tibi commisse,
ut, dum vivus fuero in hoc mortali sęculo, merear fieri particeps vestris
sanctissimis meritis secundum splendidum scriptum quod michi peccatori et
immerito famulo meęque dominę et sanctissimę Dei genitricis Marię virginis
vestra dignata est dirigere pietas. et ut vestris suffultus sacrosanctis orationibus
et divina protectus clementia dignus fiam placere ibidem primitus utilibus
moribus et postmodum terrenis opibus, quatinus post carnis vinculum postque
domum luteam Elisii gaudiis una vobiscum, mei fratres dilectissimi et domini
congaudere merear per infinita sęculorum secula. amen. et ut cuncti pręsentes
et futuri cognoscatis me congrua voluntate placidoque corpore vel
animo placuisse michi peccatori et confratri vestro talia peragere, pro absolutione
meorum plurimorum scelerum et salvatione meę animę propriis meis
subscripsi letanter manibus, et bullare fecimus vulla argentea. anno millesimo
.L. redemptionis nostrę assumptę carnis dominicę .VII°.
[ /gr Argiros pronia theu . magistros . bestis . kedux . italias . calabrias . sikelias
ke paflegalias . omelis . ta progegrammena . bebeon . kedulon . ematon .
ti despini . ke agia . theotoco . maria . tienti . agemoni . tis farfu . diatrichon .
paradidus . ikeochiros . ypegrapsa. /gr ]
Argiros pronia theu . magistros . bestis . kedux . italias . calabrias . sikelias
ke paflegalias . omelis . ta progegrammena . bebeon . kedulon . ematon .
ti despini . ke agia . theotoco . maria . tienti . agemoni . tis farfu . diatrichon .
paradidus . ikeochiros . ypegrapsa.
Hic vero vir magnificus cum huius vitę terminum sibi cerneret
imminere, direxit ad hanc ecclesiam sive congregationem
quędam cariora dona et non parvam pecuniam, videlicet bisantos
sexmilia, et mantum prętiosum holosericum auroque textum quod
erat pręclara vestis honoris sui, quę amplius valere ferebatur
quam centum libras argenti purissimi. nam quando huius societatem
et fraternitatem suscepit congregationis, bisantos tria
milia huic ecclesię mandavit. hęc autem pecunia data est in
castri Catini emptione commoda.
Quodam vero die venit Teuto de castro Bivaro et interpellavit
domnum Berardum abbatem huius monasterii ac multum rogavit
|
|