21

ac terra sanos et naufragos; et Consules investierunt eum vexillo ut vexillifer fores Pisanorum
eodem anno.
A.D. MCLXI. Sequenti mense, iamdicti Consules miserunt Consulem cum tribus galeis ad
Constantinum iudicem Calluritanum qui cum honore, cum uxore sue Sardinea et filia
Donnicella, Pisas duxerunt, et cum magno honore tenuerunt, et Iudicem cum uxore in magna
nave, Ieros olimam euntem, honorifice miserunt in mense Augusto, et Donicellam cum honore
Pisis retinuerunt eodem anno.
A.D. MCLXI. In mense Augusti et Septembris, fideles comitis Ildebrandini Novelli,
filii quondam Uguicionis de Malagalia, ceperunt naves Pisanorum grano et aliis mercibus
honustas: et duos homines Pisanos iurare fecerunt portare crucem et cannam et storia per
civitatem Pisanam pro iniuria Pisanorum, sicut portantes st oria, crucem et cannam dixerunt.
Consules et universus populus, hoc videntes et audientes, in magnam tristitiam excitati sunt.
Unde magnum exercitum militum, peditum et sagittariorum et galearum, cum sagittiis et
cum manganis et pedrieriis et edificiis multis, Coccus Consul viriliter et velociter ad destruendam
et devastandam terram predicti comitis preparavit. Hec audientes, Gemma comitissa et
comes Ildebrandinus, filius eius, et sapientes et fideles sui, in iracundiam et timorem magnum
cum toto suo comitatu devenerunt. Comes itaque Ildebrandinus cum episcopo de Massa et
episcopo de Soana, consilio matris, Pisas devenit, et in publico parlamento pisano per sacramento
se defendit, quod iniuriam quem Pisani crucem et storia et cannam portantes dixerunt,
non fecit nec fieri fecit nec scit qui fecit. Item predictus comes in eodem parlamento iuravit
fidelitatem et hominium fecit Villano archiepiscopo Pisanorum. Item iuravit salvare homines
Pisanos, sanos et naufragos, et havere in terra marique, et omni loco sui districtus.
His itaque peractis, Consules cum eo pacem fecerunt et honorem eximium, et magna dona
ei prebuerunt et eum vexillo in iamdicto parlamento honorifice investierunt, ut signifer