nefario Marchione vocato Lancea damnato
finaliter et in conditione publica forbannito,
missisque in exilium suis omnibus qui morabantur
in regno; fidelem et solicitum virum,
qualibet suspicione carentem, de qua sicut de
nobismetipsis confidimus, Ubertum Marchionem
Palatinum, dilectum familiarem et
fidelem nostrum, a Papia superius, sicut inferius
per totam Lombardiam statuimus in officio
vicariae. Fidelitati vestrae firmiter injungentes,
quatenus eidem tanquam personae nostrae,
nostram in eo potentiam figurantes, ad
honorem et fidelitatem nostram intendere ac
parcere curetis. Praecipue autem diebus
istis in defensionem civitatis nostrae Terdonensis,
et requisitionem et mandatum ipsius
ostendere vos benevolos, et paratos, ut
civitas ipsa posse fidelium defensa, offensam infidelium
non formidet. Amen etc.
Cap. LXXX.
Civitati, ut faciant guerram Mediolanensibus,
donec iverit ad eos, cum paratus sit ad iter.
Expectantes expectastis, et desiderio desiderastis
hactenus, ut in manu forti Italiam
ingredi personaliter deberemus. Ecce
venimus, et tam cum honorabili militum
comitiva, quam a longe retroactis