habere illos emendandi se, flere, quia peccaverunt,
aemulationem habere pro Apostolo, quoniam
addiscentes charitatem ejus erga se, coeperunt illum
defendere contra adversarios.
9. LANFR. Aemulationem , id est, qualiter alter
aemulatur desiderium alterius, ut me videatis.
10. Epistola illa . Ordo: Illa vos contristavit, etsi
ad horam.
11. Contristati enim . Demonstratio de qua poenitentia
dicat; est enim et mala poenitentia.
12. Detrimentum . Detrimentum auditor ex praedicatione
doctoris patitur, quando praeceptis ejus inobediens
existit, et priori peccato peccatum inobedientiae
addit.
13. AMBROS. Detrimentum , id est, ut omnia nostra
effectum habeant in vobis, etiam quod contristavimus
vos.
14. LANFR. Quae enim secundum . Alia ratio quod
secundum Deum contristati sunt.
15. Saeculi autem tristitia . Saeculi autem tristitia
est dolere, quod sua tribuat, aliena non rapiat, et
caetera in hunc modum.
16. Ecce enim . Alia ratio ejusdem rei.
17. AMBROS. Quantam in vobis . Solliciti enim sunt,
ne denuo peccent, et defendunt se ab infestatione
daemonum; indignantur in se, vel in alios peccantes
timent, quia peccaverunt, desiderant se reformare,
et incipiunt pati zelum bonorum operum perficiendorum;
et quod deliquerunt, vindicant in seipsos.
|
|