Hoc anno Robbertus dux dedit filiam suam nurum ad imperatorem Constantinopolitanum
His etiam diebus cum exercitu dux proficiscens obsedit Salemum, ciuitatem medicine utique
artis diu famosam atque precipuam. Gisolfus autem frater uxoris eiusdem ducis tunc
in eadem ciuitate morabatur. Hanc incessanter terra marique expugnauit, nec destitit donec
post VIJ menses obsidionis sue cepit illam mense Decembris anno dominice incarnationis
MLXXVJ, indictione XV; cepitque Gisulfum principem qui fame coactus se eidem
duci tradidit, atque Turrim maiorem in qua se tutabatur. In eadem uero ciuitate ipse dux
construxit ecclesiam in honore beati Mathei apostoli et euangeliste. In Panormo quoque
fecit ecclesiam in honore Dei genitricis semperque uirginis Marie, anno primo postquam
cepit Salernum. Robbertus dux obsedit Beneuentum, acriter eam expugnans. Et nisi
Romanus pontifex, cuius precepto parebat, hoc idem duci prohibuisset, nequaquam ab incepto
|
|