fermento, quod est hypocrisis, iuxta
sententiam salvatoris, sibi curaret, attendere
quot illius Curiae turpitudines
execrari possetis? quas inhonestas et pudor
prohibet nos effari. Sane reditus copiosi,
quibus ex plurium depauperatione regnorum
ditantur, quemadmodum ipsi nostis
ipsos faciunt insanire. Apud vos Christiani
mendicant, ut apud eos Patareni
manducent, ibi vestras domos obstruitis, ut illic
adversariorum oppida construatis. Sicque
de vestris eleemosynis impinguati, tales
Christi pauperes sustentantur, qui beneficii
compensatione, qua saltem gratitudinis
exhibitione vobis se praebent obnoxios,
qui quanto manus eis indignantibus liberaliores
ostenditis, tanto non solum manus,
sed etiam manus et cubitos avidius adprehendunt,
suo vos laqueo detinentes, sicut avicula,
quae quanto ad evasionem fortius nititur,
tanto firmius alligatur. Haec vobis
ad praesens scribenda curavimus mittere,
insufficienter exprimentia votum nostrum. Caetera
vero secretius intimanda, decrevimus
omittere: videlicet in quos usus divitias
pauperum expendit prodigalitas avarorum.
Quid super Imperatore comperimus eligendo,