nunc, Deo auxiliante, domnus Iosue venerabilis abbas regimen
tenere videtur, omnes rebus substancie nostre ibidem offerimus,
que esse videntur in finibus Telesie tam, et per alia loca unicumque
nobis pertinent vel pertinentes fuerint, idest case, curtes extrinsecus
cum vineis, territoriis, campis, silvis, pratis, culto vel inculto,
<in> montibus tam, et in plano, peculia omnia, et in omnibus
omnem nostram substanciam in predicto monasterio, pro redepmcione
anime nostre offerimus. eo tenore, ut dum nos qui supra
Laupo et Romano germani vixerimus, ipse res in nostra sint potestate
tantum ad laborandum, usufrugiendi, vivendi, nam non
vendendi, aut in alio monasterio offerendi, aut quolibet modo alienandi;
post vero nostrum discessum integra omnes res nostra
deveniat in possessionem de ipso sancto monasterio. preterea
volumus, ut si digna genitrix nostra super nos vixerit et lectum
genitoris nostri secundum ordinem custodierit, habeat ad vivendum
ipsam curtem nostram in Satroniano, diebus vite sue, et post obitum
eius deveniat ipsa curte in integrum in potestate de predicto
sancto monasterio, ut neque a nobis, neque ab heredibus nostris,
neque a nullo quoquam homine numquam habeat licencia alienandi;
post vero nostrum discessum, contra nostram offercionem causare
aut molestare presupmserit, set qualiter supra diximus semper firma
et stabilis in suprascripto sancto monasterio permaneat. Quod
vero offercio in suprascripta racione te Maio notarium taliter scribere
rogavimus. Actum in atrio Sancti Vincencii, in Iobiniola,
mense et indiccione suprascripta, feliciter.
|
|