Item. ultra Baruth ad XX miliaria. est civitas Biblium super litus
maris. et nunc dicitur Zibelech. et de hoc legitur in Ezechiele:
Senes Biblii habuerunt prudentiam et habuerunt nautas ad ministerium varie
suppellectilis
tue. Et dictum est de Tyro. Item. ultra Biblium sive Zibelech. ad XII
miliaria. est civitas Botrom. que nunc est destructa. super litus maris sita.
Item. de Botrom ad octo miliaria. est castrum Nephym. quod nunc
est projectum. super mare situm: et ibi nascitur optimum vinum.
De Nephym ad Vj miliaria. est civitas Tripolis. que tempore. quo Cristiani
tenebant eam. erat sita super mare: sed nunc est edificata longe a
mari per tria miliaria in pulcherrimo et ameno loco: est potentissima et
magna civitas et ibi continue habitant quatuor milia equitum Saracenorum. stipendiariorum Soldani. et est ibi unus milech. admiratus sive rex
admiratorum. et sunt ibi pulcherrimi rivi aquarum et civitas fertilis et
amena. Sexaginta anni sunt et plus. quod Cristiani perdiderunt Tripolim.
Juxta Tripolis. ad octo miliaria. est mons Libani. et ad pedem Libani
oritur fons. de quo dicitur: Fons ortorum. puteus aquarum vivencium.
que fluunt in impetu de Libano. Iste fons maximus est et producit tres fluvios.
qui irrigant totam planiciem et omnes ortos et jardinos de Tripoli.
et aque ejus sunt dulcissime. De isto fonte dicitur in Hester: Fons parvus
crevit in fluvium magnum et in aquas plurimas redundavit.
De Tripolis. ad quinque miliaria. est mons Leopardorum. rotundus
in aspectu et satis altus. distans a Libano per tria miliaria. In pede hujus
montis. in parte aquilonari. est spelunca. in qua est monumentum. habens
XXVj pedes longitudinis. quod Saraceni visitant. dicentes illud esse sepulcrum Josue. quod non creditur verum esse. cum textus dicat libro Josue.
ultimo capitulo. sepultum esse in Campnatassare. que est juxta Sichem in
latere montis Effraym: tamen creditur pocius esse sepulcrum Canaan. filii
Cam. filii Noe. vel alicujus filiorum ejus. quod habitaverunt in regione
illa. ut apparet per Scripturas. De spelunca illa sive monumento ad octo
miliaria contra aquilonem. est finis Antilabani et Libani: et. ubi uterque
terminatur. ostenditur castrum Arachas. quod Aracheus. filius Canaan.