n. 17
Innocentius, etc… magistro et fratribus hospitalis de
Altopassu Lucanae diocesis. Ex tenore vestrae petitionis
accepimus quod quondam magister Petrus de Vinea, cui
tunc temporis tanquam praepotenti officiali quondam F.
imperatoris non poterat sine gravi jactura resisti, aspirans
ad ecclesiam et domum vestram sitas prope civitatem
Capuae ac pauperum et infirmorum usibus deputatas, illas
sibi a vobis concedi frequenter cum instantia postulavit;
et tandem illas cum aliquibus pertinentiis earumdem
accipiens, quoddam hospitale praedictae diocesis cum pertinentiis
suis spectans ad... Lucanum episcopum pro supradictis
ecclesia et domo nomine permutationis vobis et
hospitali vestro concessit, praefato episcopo hospitale ipsum
ad jus suum sicut antea fuerat processu temporis revocante,
...… eo tunc praecipue in illis residente partibus
qui non solum erat terror humilium, sed sublimium
personarum, nec etiam obstante si bona ejusdem P aut
ecclesia et domus supradictae per nominatum F. aut officiales
seu fautores ejus occupata extiterunt…
Datum Perusii, III kalendas decembris, anno VIII.
|
|