dando dicto emptori liberam licentiam et potestatem
intrandi et ingrediendi in corporalem possessionem
predicte terre et rei vendite, suo nomine, ab hac
hora in antea, quandocunque voluerit et sibi placuerit,
et donec intraverit se pro eo constituit possidere, et
ab omni persona et loco, suis expensis, in omni eventu
litis, predictam terram et rem venditam, et eiusdem
fructus semper legiptime, de iure et secundum constitutum
Florentinum, in placito et extra placitum, defendere
et autoricçare dicto emptori, promictens et conveniens.
Et promisit et convenit dictus venditor dicto
emptori se contra predicta datum aut factum non habere,
nec in antea facere, et hec omnia se[m]per firma
et rata habere et tenere, et non contra venire vel facere
et defendere, ut dictum est, et observare predicta.
Alioquin: duplum eius unde agitur, nomine pene, dicto
emptori dictus venditor dare promisit, et dampna et
expensas emendare, et post predicta firma tenere et
observare. Et pro predictis omnibus observandis et
adimplendis, et pena solvenda, si conmissa fuerit, obligavit
ei bona sua; renumptians in predictis omnibus
exceptioni non numerati et non soluti pretii, et omni
alii iuri et exceptioni sibi conpetenti.
Actum Florentie, presentibus testibus rogatis, tali
et tali, in domo de Amideis, coram quibus testibus incontinenti
ego Spedalerius notarius precepi, nomine sacramenti,
secundum constitutum, ex offitio guarentigie
michi concesso, dicto tali venditori predicta confitenti
et volenti, quia defendat, ut dictum est, et observet
predicta.
|
|