Non derivantur tales ab origine,
Sed de novella fluunt scaturrigine.
Undique versus effundunt hanc nausiam
Per omnes terras et adusque Scotiam.
Ab universis erratur ordinibus,
Remansit fides in paucis hominibus.
Sed electorum melior est paucitas,
Quam dissonantum infidelis raucitas.
Fidem servanti nil nocebit fascinus,
Ibit in vanum ut vapor fumacinus.
Adversus crucem nichil est illusio,
Contra veraces nil valet abusio.
Cur Patarinos timetis, episcopi?
Vos enim purgat fasciculus hysopi.
Illos condempnat, quod amant mendacium ,
Ut psycophantam dampnavit Acacium.
Aecclesiarum vos columpnę aureę ;
Tumentem flatum non curantes boreę
In fide recta durate viriliter,
State cum rege omnes unanimiter.
|
|