Sacro nuncupationis vocabulo et sacro religionis applausu, fratri
Angelo Casinensi sacriste, Nicolaus de Rocca placere si potest.
Principiate dilectionis initium, quod extremorum absentia votivis
continuare successibus interdixit, puritas scribentis corroborat et diligentis
sinceritas ex amoris integritate confirmat. Totum igitur se et sua
exhibet amicus amico, ut, universo vobis oblato, nichil in scribentis
archivo remaneat particulariter offerendum.
|
|