Farfensi eiusque venerabili abbati pro iam dicta pęna. ad hec
si vos, domne abbas Adenulfe, vestrique successores prędictam
arcem, quam in feudum accepimus, sine nostra culpa auferetis,
liceat nobis secure habere in pręfata arce Septem Ianule ea quę
de podio fuerunt. Beraldus Reatinus consul, Adeodatus, Todinus
de Liuto, Senebaldus Guinisi, Berardus Capestrelli, Rainaldus
Trotte, Gentilis, Rainardus, et plures alii rogati testes interfuimus.
ego Albertus iudex scripsi.
Nicolaus. Anno ab incarnatione Domini millesimo .CXXXVIIII.,
temporibus Corradi secundi regis, et die quatuordecima ante kalendas
ianuarii, indictione .II. hoc quidem tempore ego Sarracenus
Rainerii Randonis filius et Girardinus et Optavianus eius
filii, et pręsbyter Rainerius et Paganellus Audonis filii, et ego
Rainucius Rainucii filius diffinivimus et refutavimus Farfensi monasterio
et ęcclesię Sancti Marci et domno Adenulfo venerabili
abbati Farfensi et Reatini monasterii et in manibus nuntiorum
eius, videlicet Manases camerarii eiusdem monasterii, et venerabilis
pręsbyteri Rainerii prędicti monasterii clerici, et in pręsentia Lenzonis
ecclesię Sancti Marci prępositi, et Boriani Ferentelli abbatis,
et domni Treuguani, Gloriosi pręsbyteri, Alesii, et Tebberti iudicis,
et Grimaldi iudicis, et filiorum Girardi Bosonis, et filiorum
Petronis, et aliorum plurimorum hominum, casam quę est in civitate
Spoletana in regione quę dicitur Palatium, que est cum lateribus:
a primo via iam dicti monasterii, ab alio latere est casa
Arnolfi Bonizonis et nepotum eius, a latere alio est casa Gualterii
Vidorini, et ab alio latere quod nobis reservavimus. Infra
ista latera diffinivimus et refutavimus vobis supradictis ipsam
casam totam cum omnibus rebus sicut ipsi case pertinet et cum
constructuris et edificiis suis. eo tali pacto, ut non habeamus
licentiam ullo ingenio nos et nostri heredes aut alia nostra summissa
persona vobis vel alicui vestro subiecto causationem vel
molestiam faciendi. et si taliter non observaverimus, obligavimus
nos nostrosque heredes vobis supradictis componere solidos .L.
|
|