28. Si secundum hominem , id est, secundum humanum
sensum, qui ut caro jam resoluta reformetur
ad vitam minime credit.
29. LANFR. Si secundum hominem , id est, secundum
quod homo ferre potest. Ad bestias , id est,
contra bestiales homines, Ephesi haec . . . . . . . . . . . . . .
disputationum et verborum intelligenda est.
30. Nolite seduci . Nolite acquiescere malis colloquiis
persuadentium vobis resurrectionem non esse
futuram; ipsa enim mala colloquia mores bonos
corrumpent, quod ibidem a genere probatur.
31. Ignorantiam enim . Quasi diceret: Moneo vos
vigilare et non peccare, ne imitemini eos qui
ignorant Deum.
32. Ad reverentiam . Ad hoc, inquit, loquor vobis
ut verecundiam habeatis, et vitam vestram in
melius corrigatis.
33. AMBROS. Et unicuique seminum . Exemplum
melioratae resurrectionis, non amissae substantiae.
34. Non omnis caro . Quemadmodum ex una
impensa diversa animantium caro est, ita unius
carnis homines diversi erunt dignitate in
resurrectione.
35. AUGUST. (epist. 146 ad Consen. ). Non omnis caro .
In his omnibus iste sensus est: Si genera carnis,
cum sint cuncta mortalia, differunt tamen inter
se, pro diversitatibus animantium; et si corpora
cum sint omnia visibilia, differunt tamen, pro diversitatibus
locorum. Unde alia est coelestium gloria,
alia terrestrium; et si in locis sublimibus, cum sint
contra coelestia, differunt etiam ipsae claritates [ al. ,
ipsa claritatibus] luminum; non mirum est quod in
resurrectione mortuorum distabit gloria
meritorum.
36. LANFR. Seminatur , etc. Nullum corruptibile
incorruptelam possidebit; sed caro et sanguis, id
est, carnaliter viventes sunt corruptibiles, et regnum
|
|