potuit ab illicitis coherceri, ne ipsius effrenata cupiditas promiscuis actibus
in evidens sui exitium redundaret, prospiciens Dominus ab excelso,
regnantium solia clementer erexit in populis et ministros iustitie provide
prefecit in terris. Inter quos ad regie fortune fastigium nobis divina gratia
favente vocatis inheret cura precipua et sollicitudo propensior, qualiter
subditis nostro regimini gentibus sic pacis et iustitie copiam ministremus,
ut nostrorum turba fidelium sub dominii nostri pacifica tranquillitate
congaudeat et formidato supplicio peccandi facilitas sceleribus precludatur.
Considerantes verumtamen, quod in regionibus singulis, quas
nostre potentie fovet auctoritas, quantacumque nobis dilectionis caritate
preluceant et eas corde semper et animo contemplemur personaliter interesse
nequimus, viros industrios, quorum consiliis rerum salubriter
geruntur officia, qui absentiam nostram ubilibet suppleant et nostre serenitatis
ymaginem representent, deliberato consilio providimus deputandos.
Ea propter confisi etc., finiat in forma que incipit, «De corrupti
parentis primi convitio» etc. que alibi habetur.
|
|