Suspectum fugias, fida manendo michi.
Quod si te casus ad me fortasse remisit,
Accipe denarii munus, amore dei.
Denarius bonus est socius: quidquid petis illi
Dat tibi; denario cuncta patrare potes.
Denario veniet tibi piscis ab equore, monte
Caprea, perdices aere, vepre lepus;
Denario medicus patienti consulit egro,
Litigiosorum iura patronus agit;
Letificat tristes, miseros solatur, inertes
Sollicitat, claudos currere sepe facit;
Ventre famem, de fauce sitim, de pectore curas
Eripit, iratos pacificare solet.
Denario stultus sapiens, inhonestus honestus,
Rusticus ingenuus est reprobusque probus;
Presbiteros cantare facit sollempniter, altam
Ponit eis mensam, delitiosa parat.
Astra prius quam denarii preconia ferrem:
Reice denarium, gratia queque perit.
Ergo datum tibi denarium pro munere tolle,
Hoc sine commemorans orbe valere nichil".
|
|