supradictus domnus Paulus abbas ad tenendum et laborandum ipsa
territoria, pertinentes predicto nostro monasterio, in finibus loco
ubi nominatur vadu Traspadini, Rocco filio quondam Luponi; et
Gazoni filio Petri, qui nominatur Gaudioso; et Aczoni Alamanni;
et Lupi qui nominatur Campella; et Leoni filio quondam Zipponi;
et Gizi filio quondam Teuderici, pro vice sua et de germanis suis;
et Lupi filio Ermecausi, pro vice sua et vice Paschalis presbiteri
germani sui; et Bolio filio Angeli cum ipsis omnibus germanis
eius; et Idelprandi filio Gisoni; et Ursi filio Stephani; et Radi
filio Luponi, pro vice sua et de germanis suis; et lobo, qui
dicitur Sorecaro; et Iohanni magistro; et Iohanni filio Martini;
et Lupi Pinnisi; et Perto filio Stephani presbiteri et ad germanos
suos ibidem habitandi et casa faciendi a modo et usque
dum illi et filii eorum voluerint, et vinea sibi pastinandi iusta racionem,
habente fines territoriis ipsis: de prima parte fine flumine
Vulturno; de secunda parte fine rivu, qui nominatur Ponte Ligniciu,
et quomodo vadit directe usque in via que nominatur da
Cerru, et directe vadit usque ad ipsum vadum, qui vadit ad ipsam
Bantram, que vadit ad Ysernia; de .IIIa parte fine predicta Bantra,
et qualiter directe vadit circa iam dicta Bantra usque in iam dicto
fluvio Vulturno, in omni racione et ordine qualiter in iam dictum
scriptum conveniencie libellarii continere videtur. pro talia guadiam
mihi dederunt ipsi qui supra Rocci, et Gazo, et Aczo et ceteri
alii, et mediatores mihi posuerunt per singulos se ipsos taliter,
ut illi et eorum heredes debeant tenere, laborare de predictis terris,
pertinentes predicti nostri monasterii quantum laborare potuerint,
et vineas conciare, et vindemiare tempore suo, et debeant infra
predictos fines facere castellum ubi illi voluerint, et ibidem facere
casas, et areas, et hortos, et habitare ibi cum familiis et animaliis
et cum causa sua, a modo et usque dum illi voluerint, et cunctum
bictualium et vinum vel alias fruges, quas dominus exinde annualiter
|
|