Iohannes Bononiensis: Summa notarie

Pag 689


post monicionem vestram de predictis decimis retentis
et iiii marcis expensarum nomine adiudicatis eidem P satisfaciat
integre sine aliqua questione.
Alioquin eundem R, quem ex nunc prout ex tunc
per presentes exconmunicamus in scriptis, si in satisfactione
predicta in toto vel in parte defecerit, tamdiu per vos
vel alium seu alios in ecclesia vestra seu alibi ubi expedire
videritis quibuslibet diebus dominicis et festivis in missarum
sollempniis coram fideli populo publice nuncietis
exconmunicatum, et nunciari faciatis, quousque prefato P
tam de sorte quam expensis predictis integre fuerit satisfactum,
significantes nobis fideliter vestris patentibus litteris
harum seriem continentibus diem denunciacionis monicionis
et formam totumque per ordinem quidquid feceritis de
predictis.
Datum etc.
N.
a. Forma appellacionis per notarium conscribende.
In nomine domini amen.
Anno eiusdem etc. constitutus in presencia reverendi
patris domini I dei gracia cantuariensis archyepiscopi tocius
Anglie primatis R de . . quandam appellacionem obtulit
in scripturis, sive interposuit in hec verba: coram vobis
reverendo patre domino I
etc. ponatur totus tenor appellacionis
que interponitur de verbo ad verbum.
deinde sic dicatur:

Lecta et interposita fuit hec appellacio et iuramentum
corporaliter per dictum R, ut superius scriptum est, in
tali loco, presentibus etc.
b. Qualiter et quomodo notarius de iuramento sub
appellacione faciat mencionem.
Cum appellatur ab electione postulacione vel provisione
factis vel faciendis, debet appellans — expressis causis sue
appellacionis — corporaliter iurare quod ea que in
appellacione sua expressa sunt credit esse vera, et ea posse
probare.

Torna all'inizio