XIV
In sanctorum Petri et Paoli
1. Felix per omnes festum mundi cardines
apostolorum prepollet alacriter
Petri beati, Pauli sacratissimi,
quos Christus almo consecrauit sanguine,
ecclesiarum deputauit principes.
2. Hi sunt oliue due coram domino
et candelabra luce radiantia,
preclara caeli duo luminaria,
fortia soluunt peccatorum uincula,
portas Olimpi reserant fidelibus.
3. Habent supernas potestatem claudere
sermone sedes, pandere splendentia
limina poli super alta sydera.
Lingue eorum claues caeli facte sunt,
laruas repellunt ultra mundi limites.
|
|