Guido Faba: Dictamina rhetorica

88


CLXXV.
Prima citatio iudicis ordinarii.
Henricus divina miseratione Bononiensis episcopus dilecto
in Christo filio presbytero Alberto, talis loci cappellano,
salutem et benedictionem a Domino. Mandamus tibi ut die
tali venias coram nobis rationem facturus Martino, nisi cum
eo interim duxeris componendum.
CLXXVI.
Secunda citatio iudicis ordinarii.
Miramur quod per alias nostras litteras non venisti rationem
facturus M., qui de te querelam proposuit coram nobis.
Unde tibi districte iterato mandamus ut die tali venias sine
more. Alioquin de inobedientia posses redargui et pro contumacia
de merito condemnari.
CLXXVII.
Tertia citatio iudicis ordinarii.
Quia semel et secundo citatus ad nostram presentiam
non venisti, ut Martino de te conquerenti secundum iustitiam
responderes, de mansuetudine pastoralis benevolentie, non de
rigore iuris, tibi diem talem pro termino peremptorio assignamus;
in quo si venire tardaveris, ex tunc divino officio te
privamus.
CLXXVIII.
Quomodo scribit episcopus concubinariis.
Intelleximus quod tu, contra sanctorum patrum decreta
et salutem propriam et honorem, tenes concubinam; de quo

Torna all'inizio