III.
Satis gratanter accepit nostra Serenitas devotionis
vestrae literas, quas misistis, et immotae
fidei puritate pensata, quam efficit
quaecunque fortunae protervitas clariorem, processus
nostros duximus in omnibus favorabiliter
commendandos, id specialius attendentes
quod honorem nostrum et Imperii fidei conservationem
illaesam augere provisionis gratiam
reliquis vitae profectibus praetulistis; hoc est
quod virtutis nostrae probabile documentum,
haec certa fidelitatis indicia, quorum nomen et
titulus visceribus nostris vos imprimit, et Imperialis
retributionis beneficia promerentur.
Sane pro vobis devotio nostra in conspectu
Magnificentiae nostrae partes continui supplicantis
assumit, nec de memoria chyrographus
excidit, quod vestrae calamus fidelitatis inscripsit.
Vos igitur in omni prorsus dubietate
projecta sola servitiorum nostrorum cura sollicitus
solus fervor devotionis accendat, ut coelum
tam purae fidei tam probatae, quod juste
promeruit favorabiliter consequatur. Caeterum
cum ad partes ipsas e vestigio noster magnifice
dirigatur accessus de statu nostro provisione
benigna sic praesentialiter disponemus, sic incertitudines
nostras curabimus confovere, quod
nobis fidelia contulisse fervida merito
gaudeatis.