Bichilinus de Spelo: Pomerium rethorice

Pag 74


reprehendi non debebam, ut extimo, ut tua me reprehendit epistola.
Libenter incepta perficerem, sed inplicita negocia me detinent. Interea,
displicibilis modus, quem tenet potestas patria circa me, studium
meum inpedit ac animum ad regressum. Eo, socie, pro posse te rogo
quatenus, hiis aspectis, excusatum me habere velitis, sitque bonum
votum circa tue dileccionis constanciam loco fratri.
 
Capitulum VIII
 
NARRACIONES INTER CONSANGUINEOS ET AFFINES
 
1. De filio ad patrem indicante suum statum
 
Ut paterna benignitas, filialis condicionis incerta, cogitacionibus
non gravetur molestis, ecce presentis tenore percipiat me per Dei graciam
attigisse die tali corpoream sospitatem Ferrarie, ubi cum magistro
sciencia circumfulto et moribus, de amicorum consilio, sum locatus,
a cuius consorcio tam in camera quam duodeno convictu continuo
non excludor.
 
2. De filio ad patrem postulante pecuniam
 
Pecunia, quam ad studium detuli, quam modestius potui in sumptus
deducta legitimos, paternitati vestre propensius supplico quatenus
circa decens pecuniale s presidium sic benigna paterna solercia,
filio indigente, provideat, quod hinc ad festum beati Petri de Iunio
esse possim in duodena sodalium ac salubriter et commode sciencie
limina visitare.
 
3. Responsiva, quod mittit ei
 
Tue mentis laudabili considerato proposito, ego et mater tua in
X solidis grossorum indigencie tue duximus providendum ad presens,
tibi per latorem presencium offerendis. Ammonemus te insuper, si nostram
benediccionem obtinere desideras, quatenus sic sollicite, sic attente
moliaris studio superesse continue, quod una cum tuis amicis ex
tue sciencie fructu laudabili prosecucione letemur.
 
4. Alia responsio conquestoria, quod male se gessit
 
Nefande condicionis et inpie revera fore presumitur qui enormis
in commissione facinoris prompte frontis sub clipeo non veretur. Nefarium
quippe nimia promptitudo te indicat pecunie postulare suffragium,
dum gula tua te facit visitare tabernas, dum ipse luxus, Deo

Torna all'inizio