Contenderet quis: Non est, inquit, resurrectio
mortuorum. Et Apostolus: Si non est resurrectio
mortuorum, id est, si nullus mortuorum (a toto)
surrexit, neque Christus, quem surrexisse credidistis.
Et ex eodem sequitur vanam esse Apostoli
praedicationem, vanam esse eorum fidem. Et (si
Christus non resurrexit) falsi testes Dei sumus; quod
a Scriptura sic probat: Quoniam, inquit, falsum
testimonium diximus adversum Deum; nam istud,
quod suscitaverit Christum, quem non suscitavit, si
mortui non resurgunt. Quare hoc dicis? Nam ita,
inquit, in re est, quod si mortui non resurgunt, neque
Christus; vana est fides nostra, id est, non sunt
vobis remissa peccata; adhuc enim estis in peccatis
vestris. Et si vos estis in peccatis, et qui ante vos
fuerunt, in peccatis mortui sunt; et si in peccatis
mortui sunt, utique perierunt. Principalis assumptio.
Nunc autem Christus resurrexit, ergo non est vana
praedicatio nostra, nec fides vestra. Et sic de omnibus
concludendum.
10. AUGUST. ( expos. in Evang. Joan. Tract. 3, t.
IX). In Christo omnes . Omnes qui renati sunt per
Christum.
11. LANFR. Unusquisque in suo ordine . In suo ordine
dicit, vel quia Christus primus resurrexit;
deinde resurrecturi sunt caeteri. Vel quia martyr,
ut martyr; pastores, ut pastores, et caeteri in hunc modum.
Et sic intelligitur, in suo ordine, et in sua dignitate.
Deinde hi resurrecturi, et alii, sed horum tantum
mentionem facit, propter Christianam
dignitatem.
12. Qui in adventu . Qui credunt eum advenisse
propter redimendos peccatores, et adventurum propter
infideles judicandos et fideles remunerandos.
13. AUGUST. ( lib. LXXXIII. Quaest. qu. 69, t. IV.)
Deinde finis . Ipse scilicet finis est, ut sit ipse Deus
omnia in omnibus. Aliter enim dicitur finis, qui pertinet
ad consummationem, aliter qui pertinet ad consumptionem.
Et aliter enim tunica finitur texendo, et
|
|