Item aliud.
Interventu eiusdem Hugonis venerabilis abbatis monasterii sanctę Dei
genitricis Marię omne fodrum perdonamus de omni terra quam idem monasterium
modo detinet aut in futurum acquisierit, sive de castellis sive de villis
aut ęcclesiis. insuper imperiali decrevimus potentia, ut omnia scripta quę
idem abbas Hugo per iussionem ępiscopi Hugonis fecit, et cuncta quę Adam
ępiscopus fecit, et quę Albericus abbas donavit de terra ipsius monasterii
sint annullata et in perpetuum exinanita atque confusa, et ad idem monasterium
Sanctę Marię in Pharpha procul dubio reversa, omni contradictione
remota. unde statuimus firmissime, ut nullus ępiscopus dux, marchio,
comes, vicecomes, sive aliquis homo magnus sive parvus, Teutonicus sive
Latinus nuntius, de eodem monasterio fodrum tollat, aut placitum super terram
iam dicti monasterii faciat, aut libellarios et pensionarios ad placitum constringere
pręsumat, nisi eiusdem monasterii abbas aut cui ipse se commendaverit.
Item aliud preceptum.
[In nomine sanctę et individuę Trinitatis. Otto divina favente clęmentia
Romanorum imperator augustus. cum petitionibus servorum Dei iustis ac
rationabilibus divini cultus amore faverimus et his oportuna beneficia largimur,
pręmium nobis ęternę remunerationis rependi non diffidimus. quocirca omnium
sanctę Dei ęcclesię nostrorumque fidelium pręsentium videlicet et futurorum
comperiat sollertia, qualiter Hugo venerabilis abbas monasterii sanctę Dei
genitricis semperque virginis Marię in comitatu Sabinensi constructi in loco
qui dicitur Acutianus nostram adiens pręsentiam ostendit nobis nostrorum
antecessorum regum vel imperatorum pręcepta eidem monasterio facta, atque
suppliciter postulans, quatinus pro Dei amore sanctęque genitricis Dei Marię
eadem pręcepta nostra imperiali ac pręceptali auctoritate confirmaremus.
nos vero iustis postulationibus assentientes,] confirmamus autem iam dicto
monasterio quicquid in superioribus continetur pręceptis prout iuste et legaliter
possumus, videlicet quicquid habere videtur in eodem territorio Sabinensi,
idest ecclesiam Sancti Benedicti [cum omnibus pertinentiis suis, et]
curtem Sancti Gethulii [cum tota sua integritate], et ecclesiam Sancti Angeli
in monte Tancię [cum omnibus pertinentiis suis]. in civitate Hortana ęcclesiam
Sancti Theodori [cum omnibus pertinentiis suis]. in civitate Veterbensi
ęcclesiam Sanctę Marię [cum omnibus suis pertinentiis]. cellam Sanctę Marię
|
|