Paulinus Aquileiensis: Carmina

Pag 131


VII
De natiuitate domini
1. Gloriam deo in excelsis hodie
caelestis primum cecinit exercitus.
pax angelorum et in terra uocibus
uera descendit.
2. Hodie caeli facti sunt melliflui
et mare dulces undas blando gurgite
aequauit, lento respirante sibilo
flatu sereno.
3. Astra polorum rutilanti radio
suffusa lactis irrorant dulcedinem,
totus exultat letabundo gaudio
gauisus mundus.

Torna all'inizio